Туслах цэс

Онцлох брэнд

Ирэх сард олон жилийн дунджаас дулаан байна



Ирэх сард олон жилийн дунджаас дулаан байна

Цаг уур, орчны шинжилгээний газрын мэдээлснээр, ирэх сарын агаарын хэм ихэнх нутагт олон жилийн дунджаас 0.5-1.5-аар дулаан байх төлөвтэй байна. 

 

Харин Хөвсгөлийн уулархаг нутгаар олон жилийн дунджийн түвшинд байх юм. Энэ сард Увс аймгийн зүүн, Завхан аймгийн хойд хэсэг, төв болон зүүн аймгуудын ихэнх нутгаар олон жилийн дунджаас ахиу, Архангай, Өвөрхангай аймгийн өмнөд хэсэг, говийн аймгуудын нутгаар олон жилийн дунджийн орчим бороо орох төлөвтэй байна.

 

Наймдугаар сарын нэг, хоёрдугаар арав хоногийн эхээр баруун аймгуудын нутгийн зарим газраар, дунд үеэр төв, зүүн, говийн аймгуудын ихэнх нутгаар бороо, гуравдугаар арав хоногийн сүүлчээр нийт нутгаар бороо, уулархаг нутгаар хур тунадас орох төлөвтэй.

 

Борооны өмнө салхи түр зуур ширүүснэ, ялангуяа гуравдугаар арав хоногийн эцсээр зарим газраар түр зуур 18-20 м/с хүрч ширүүсэх төлөвтэй байна.

 

Иймд Онцгой байдлын байгууллагаас дараах сэрэмжлүүлэг гаргасан байна. 

 

-Голын эрэг дагуу суурьшиж, нутаглаж буй малчид, тариаланчид, аж ахуйн нэгж байгууллага, ард иргэд, аялал зугаалгаар яваа хүмүүс үерийн аюулаас байнга сонор сэрэмжтэй байх,

 

-Бороотой, гол мөрний усны түвшин нэмэгдэх учраас баталгаатай гүүр, гарам, гарцтай газраар автомашинтай зорчиж үер усны аюул болон усны ослоос урьдчилан сэргийлэхийг анхааруулжээ. 


АНХААРУУЛГА: Уншигчдын бичсэн сэтгэгдэлд builder.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.