Туслах цэс

Онцлох брэнд

Зэсийн ханш 500 орчим ам.доллараар буураад байна



Зэсийн ханш 500 орчим ам.доллараар буураад байна

Хятадад дэгдээд буй вирусийн улмаас дэлхийн зах зээл дээр хувьцааны үнэ буурч, бондын үнэ өсөөд байна.  Тухайлбал, "S&P 500”, "Dow Jones Industrial Average” болон "Nasdaq-100” индекс наймдугаар сараас хойших хамгийн огцом уналтыг үзүүлээд байна. БНХАУ-ын эрх баригчид Цагаан сарын баярын амралтыг гурав хоногоор сунгасантай холбоотойгоор санхүүгийн зах зээлийн үйл ажиллагаа удаашралтай байгаа юм. Түүнчлэн "iShares MSCI China” болон "Invesco China Technology”-ийн хувьцаа 3.5 хувиар буурч,  Швейцарийн франк, японы иен, юанийн эсрэг чангараад байна. Үүнээс гадна зэс, төмрийн хүдрийн ханш буурсан үзүүлэлттэй байна.

"iShares MSCI China” болон "Invesco China Technology”-ийн хувьцаа 3.5 хувиар буурч,  Швейцарийн франк, японы иен, юанийн эсрэг чангараад байна.

Өнгөрсөн долоо хоногт 6267 ам.доллар байсан зэсийн ханш өчигдрийн байдлаар Лондоны металлын бирж дээр тонн тутам нь 5778 ам.доллар болж буурчээ. Харин алтны ханш 0.3 хувиар өсөж, 1583 болсон байна. Харин Сингапурт төмрийн хүдрийн үнэ зургаан хувиар буурчээ. Наймдугаар сараас хойш төмрийн хүдрийн ханш нэг өдрийн дотор ийм огцом буураагүй билээ. БНХАУ үйлдвэрийн металлын хамгийн том хэрэглэгч орон хэдий ч шинэ төрлийн вирусийн халдварын тархалтыг хязгаарлахын тулд жижиглэн худалдаа, олон нийтийг хамарсан үйл ажиллагаа, аялал жуулчлалыг хязгаарласан олон алхам авч хэрэгжүүлж байгаа нь эдийн засгийн өсөлтөд нь сөргөөр нөлөөлөхөөр байгаа юм.

Үндэсний шуудан


АНХААРУУЛГА: Уншигчдын бичсэн сэтгэгдэлд builder.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.